5-дзённая інтэнсіўная праграма: сэмінары, варкшопы, гульні і праца ў камандах 29 лістапада - 4 снежня 2026 Польшча

Для каго?

• для тых, хто толькі пачынаюць свой шлях у актывізме;
• для тых, хто даўно хацелі даведацца ці якасна разабрацца ў тым, што такое правы чалавека і навошта яны патрэбныя;
• для тых, хто хочуць дадаць оптыку і каштоўнасьці правоў чалавека ў працу дзеючых альбо будучых ініцыятыў

Цягам 5-дзённага інтэнсіва мы будзем абмяркоўваць каштоўнасці, разбірацца ў правах чалавека, шляхах і механізмах ажыццяўлення грамадскіх ініцыятыў ды сумесных дзеянняў. Усё навучанне будзе адбывацца шляхам клапатлівай нефармальнай адукацыі.

Хто ладзіць Camp?

Эксперт:кі і спецыяліст:кі Viadoŭnia - праваабаронцы і адукатар:кі, за плячыма якіх годы правядзеньня праваабарончых кэмпаў у Беларусі, Польшчы, Летуве і Германіі. Гэта шматгадовы багаты досьвед працы на лакальным і глабальным узроўні з выкарыстаньнем ўсіх існуючых і неканвенцыянальных мэханізмаў і інстытутаў па абароне і прасоўваньні правоў чалавека.

Што па выніку?

Фокус кэмпа — (анты-)дыскрымінацыйныя практыкі ў нашых асяродзьдзях. Мы прапаноўваем разам вучыцца вырашаць грамадзкія праблемы і шукаць адказы на новыя выклікі, падумаць над формамі актыўнасьцяў для зьменаў і прасоўвання роўнасці вакол сябе.

Ты даведаешся на:

• гісторыю, зьмест, архітэктуру і дасягненьні правоў чалавека,
• глыбіннае разуменне каштоўнасьцяў правоў чалавека,
• правы чалавека ў штодзённым жыцьці людзей і арганізацыяў на прыкладах,
• канцэпцыю комплекснага негвалтоўнага антыфашызму,
• сувязь міграцыі і правоў чалавека,
• канцэпцыю дэкаланізацыі як каштоўнасьці, падыхода і практыкаў,
• як арганізоўваць адвакацыйныя кампаніі,
• што такое грамадзкі інтарэс і якія існуюць інструменты па яго абароне,
• асновы негвалтоўнай і інклюзіўнай камунікацыі.